വിദ്യാർഥികൾക്കുള്ള അനുമോദനം ഹെഡ്‌മിസ്ട്രസ് പ്രസന്ന ടീച്ചർ നിർവ്വഹിക്കുന്നു; സ്കൂൾ വികസന സമിതി ചെയർമാൻ ഗിരിവാസൻ ടി, 93-94 ബാച്ച് പ്രസിഡണ്ട് സ്‌മിത കെ സമീപം
വെളിയംകോട്: ഗവണ്മെൻ്റ് ഹയർസെക്കൻഡറി സ്കൂൾ വെളിയംകോട് 1993-94 എസ് എസ് എൽ സി ബാച്ച് പൂർവ്വവിദ്യാർഥികളുടെ നേതൃത്വത്തിൽ ഈ വർഷം എസ് എസ് എൽ സി, +2 പരീക്ഷകളിൽ പരീക്ഷകളിൽ വിജയിച്ചവർക്കും, സ്വാതന്ത്ര്യദിനത്തോടനുബന്ധിച്ച് നടത്തിയ പ്രശ്നോത്തരിയിൽ വിജയിച്ചവർക്കും സമ്മാനദാനം നിർവ്വഹിച്ചു.
സ്കൂളിൻ്റെ വികസന കാര്യങ്ങളിൽ ശ്രദ്ധ ചെലുത്തുന്നതിലും, വിദ്യാർത്ഥികളെ അനുമോദിക്കുന്നതിലും സന്തുഷ്ടി പ്രകടിപ്പിച്ചുകൊണ്ട് ഹൈസ്കൂൾ ഹെഡ്‌മിസ്ട്രസ് പ്രസന്ന ടീച്ചർ സംഗമം ഉൽഘാടനം ചെയ്തു സംസാരിച്ചു.
പരിപാടിയോടനുബന്ധിച്ച് സിജി പരിശീലകൻ മുഹമ്മദ് റാഫിയുടെ കരിയർ ഗൈഡൻസ് ക്ളാസ്സും ഉണ്ടായിരുന്നു. കോവിഡ് പ്രതിസന്ധികൾക്കിടയിൽ യു എ ഇ യിൽ നടത്തിയ സേവനങ്ങൾ പരിഗണിച്ച് ബാച്ച് അംഗം അബ്ദുൽ റസാഖിനെ സംഗമത്തിൽ വെച്ച് ആദരിച്ചു.
പരിപാടിയിൽ ഓ എം എ റഫീഖ്, സ്‌മിത കെ, ഗിരിവാസൻ ടി, മുസ്തഫ എം പി എന്നിവർ സംസാരിച്ചു.
